Future For Future

Un Hathon mein ek paheli ko suljane ki aas hai,
Unki hasi mein apne jeewan mein kuch pane ki pyas hai,
Ummed ki har kiran pe chahak uthte hain unke chehre,
Apne bachpan ko pane mein unki pehchan hai.

Voh bachpan mein nahi kar paye kilkariyan,
ladakpan tak ane ki der thi,
hathon mein kitab nahi, reton ki dher thi,
har mod pe samaj ke dayron se pare kiya unhe,
unki konsi galti nein hum sabko majboor kiya.

Lalach se bhari duniya nein, uthya fayda unka,
un bachon se bachpan ka hi vasta mitaya.
Khilonon ko bhi chu na paye unke haath,
us se pehle hi angaron se karaya vasta.

Ek ajab se chahat hoti hai jindagi ki,
kuch pane ki, kuch khone ki, daud hoti hai jindagi,
hum apne mein hi kho kar, chale jate hain badhe hue,
kabhi socho unka, jinko bakiyon nein thukraya,
bachpan par unka bhi hai adhikar utna,
to kuch karo, badhao hosla unka,
dilao unhe jindagi ka voh khoya hua kafila,
ek hasi ke liye, ek khushi ke liye,
Mitao har fasla.